網紅的藏寶箱對以前嘅吳君如嚟講，跑咁多間戲院謝票，係一個痴線嘅行為。
今次上映前一個月，我地去咗好多優先場。跟住到上映後，差唔多日日都入戲院，喺戲院跑嘅過程比咗我一個好神奇嘅感覺。我從來未試過同觀眾咁接近。
好多朋友問我點解要咁樣跑法？我嘅答案係，部戲觀眾鍾意，有人睇，你先有得跑啫。我越跑越覺得好難得有部戲，比到機會我地跑，又值得我地咁跑。謝票對我嚟講唔係一份工作，唔係宣傳，而係我真係享受緊觀眾對呢部戲既愛，亦都同觀眾互相交流。觀眾見到我快樂，我見到觀眾仲快樂。
好多後生仔叫我蘇媽，但係佢哋其實可能唔知我係邊個，我好開心可以喺戲院入面從新介紹我自己。我係 演員吳君如。
今日第五周，我希望呢部戲個終點遠啲，等我可以繼續跑落去，一路謝票謝落去，永遠記住呢條神奇之路。
Search